"Биндэрийн Сургууль Бидний Бахархал" ТББ

Биндэрийн сургууль 100 жилийн ойгоо тэмдэглэн өнгөрүүлэхтэй холбоотойгоор "Биндэрийн сургууль Бидний бахархал" ТББ (төгсөгчдийн холбоо) байгуулахыг санаачлан дэмжиж, хамтран ажиллаж байгаа талаар та бүхэнд мэдээлсэн билээ. 

Ойн хүрээнд сургуулийн зүгээс хийгдэх ажлуудыг гаргаж ирүүлсний дагуу ТББ-н зүгээс эмхлэн цэгцэлж, хамтран ажиллаж, жишиг төсөв болон түүний задаргааг доорх байдлаар гаргасан байгаа. 

Хүснэгтийг илүү тод, татаж харахын тулд доорх линк дээр дараарай!

https://docs.google.com/.../1Nf3imLCsk3ICnD8V1gf.../htmlview

Энэхүү ажлууд нь бидний ирээдүй болсон Биндэрийн сургуулийн сурагчдын сурч боловсрох таатай орчинг бүрдүүлэх, чөлөөт цагаа зөв боловсон өнгөрүүлэх нөхцлийг бий болгоход түлхүү чиглэсэн. 

Мэдээж та бүхний өгөх ХАНДИВ-аар эдгээрийг хийж гүйцэтгэх тул хэдий хэмжээний хандив бид бүхэнд цуглана тэр хэмжээгээр хамгийн чухал гэж үзсэн ажлуудаа эрэмбэлэн эхлээд хийж гүйцэтгэх юм. 

Бид ирсэн хандивын мэдээлэл болон зарцуулалтын явцыг тухай бүр оруулан, хандив өгсөн хувь хүн болон байгууллага хамт олныг алдаршуулан талархлын пост оруулах болно. 

Та энэ постыг уншсан бол шэйр хийж бусдадаа заавал түгээгээрэй! 

Мөнгөн хандивыг хүлээн авах данс: 

ХААН банк: 526 335 3971 /Биндэрийн сургууль Бидний бахархал ТББ/ 

Утсаар холбогдож мэдээлэл авах бол Биндэрийн сургууль Бидний бахархал ТББ-ын гүйцэтгэх захирал Өлзий-Оршихтой холбогдоорой. Утас: 88086568

Анхдугаар хурал

Хэнтий аймгийн Биндэр сумын ЕБСургуулиар овоглож, эх орныхоо хөгжилд хувь нэмэр оруулж буй төгсөгчид болон тус сургуульд суралцаж байсан эрхэм хүмүүсийг нэгтгэн зохион байгуулж, төрөлх сургуулийнхаа ирээдүйн суралцагч, төгсөгч нарт итгэл хүлээлгэх, тэдний урам зоригийг бадраах, сургуулиараа бахархах сэтгэлийн хөг аялгуу дор сургуулийн удирдлагын зүгээс төгсөгчдийн ТББ үүсгэн байгуулах санаачилга гаргасан билээ. 

Энэхүү санаачилгыг тус сургуулийн 33 дугаар төгсөлтийн хамт олон дэмжиж, нийт төгсөлтийг төлөөлөх гишүүдийн анхдугаар хурлыг 2024 оны 02 сарын 03-нд УБ хотод зохион байгуулж, “Биндэрийн сургууль - Бидний бахархал” НҮТББ-ыг байгуулахаар шийдсэнийг төгсөгчдийн төлөөлөл санал нэгтэйгээр дэмжин дүрмийг олонхийн саналаар хамтран батласан болно. 

"Биндэрийн сургууль - Бидний бахархал” НҮТББ нь тус сумын боловсролын байгууллагын хөгжил, суралцагчдын төлөвшил, сурлагын чанарыг сайжруулах болон багш нарт орчин үеийн сургалтын арга барил олж авах, мэргэжлийн ур чадвараа дээшлүүлэхэд нь дэмжлэг үзүүлэх, мөн сургуулийн суралцагч, төгсөгчид хоорондын ажил хэрэгч, нөхөрсөг харилцаа холбоог бэхжүүлэх үндсэн дээр гишүүдийн идэвх санаачилгыг өрнүүлж, нийгмийн олон талт хамтын ажиллагааг хөгжүүлэх үйлсэд бодитой хувь нэмэр оруулах зорилгоор үүсгэн байгуулагдсан. 

Төгсөгчдийн холбооны анхдугаар хурлаар ТББ-ын дүрмийн төслөө баталж, УЗ болон хяналтын зөвлөлд нэр дэвшсэн төгсөгчдийн төлөөллөөс УЗ-ийн 9 гишүүн, хяналтын зөвлөлийн 3 гишүүнийг нууцаар санал хурааж сонгов. 

" Биндэрийн сургууль - Бидний бахархал " төгсөгчдийн НҮТББ-ын цаашдын үйл ажиллагаанд нь өндөр их амжилтыг сургууль, хамт олон, шавь нарынхаа нэрийн өмнөөс хүсэн ерөөе !