“Хасар мэргэн” сурын холбоог 2015 онд Хэнтий аймгийн Биндэр суманд Г. Зулбадрах санаачлан  байгуулсан. Тус холбооны гишүүн Нацагдоржийн Баярхүү нь 2016 оноос ЕБС-тай хамтран ажиллаж,  эдүгээ 80 гаран сурагчдад Монгол үндэстний бахархал сурын спортыг таниулан хичээллүүлж томоохон амжилтуудыг үзүүлжээ. Үүнээс 40 гаран сурагч сум, аймаг, улсын чанартай тэмцээнүүдэд 1-5-р байрыг эзэлсэн амжилт үзүүлсэн байна. Аймаг, улсын чанартай тэмцээнд амжилт үзүүлсэн сурагчдыг танилцуулбал  Баярхүүгийн Ганбаатар, Сонинбаярын Наранмандах,Баярхүүгийн Ган-Од, Гэрэлт-Одын Намуун, Нямсүрэнгийн Төгөлдөр,Эрхэмбаярын Чанасал, Баярхүүгийн Гансүх, Зулбадрахын Хасар нар нь нээлтийн болон хаалтын харваанд шагналт байруудыг эзэлсэн байна. Эдгээр сурагчдаас Нямсүрэнгийн Төгөлдөр нь   улсын мэргэн болсон.