жил
2024. 05. 17-нд Ц. Гантулга багштай 1а, Б. Оюун-Эрдэнэ багштай 1б ангийн сурагчид маань эрдмийн баяраа сурсан мэдсэн амжилтаар дүүрэн тэмдэглэн өнгөрүүллээ.
2 бүлгийн бяцхан сурагчдын “Бичиж сурлаа” , “ Бодож сурлаа “, “Зурж сурлаа “, “Бүтээж сурлаа” бүтээлийн үзэсгэлэн гаргаж, баярт оролцсон эцэг эх, асран хамгаалагчдадаа бэлэг барив.
Мөн 2 ангийн хамтарсан масс ихэвчилсэн урлагийн үзүүлбэрийг толилуулсан бөгөөд
Үзэг барьсан турьхан гарт минь
Үг холбох, тоо бодох аргыг заасан
Бага ангийн багшдаа баярлалаа
Балчирхан бид чинь бичиж, уншиж, бодож сурлаа гэсэн чин сэтгэлийн талархал дүүрэн эрдмийн баяр болж өндөрлөлөө.
Эрдмийн их өргөөг анхлан алхаж орсноос хойш оргил өөд тэмүүлэх тэр л сууриа эрдэмтэй багш нараараа заалган олсон бяцхан хүүхдүүддээ, ачит багш нартаа дахин баяр хүргээд, сурах их үйлст нь хязгаар гэж бүү байг, сургах их үйлст нь бэрхшээл гэж бүү байг ээ хэмээн ерөөл өргөе!
